Eifach säge, was isch...

Danke vieumau für öii Stimme uf dr Lischte

Obers Ämmitau.

Eifach säge, was isch - ä eigetlech simple Satz.

Es fröit mi sehr, Öich uf mire pärsönleche Homepage dörfe z'begrüesse.

U glych stuune i gäng wieder, wie gleitig ä Sachverhaut ganz angers beschribe wird, we das, wo isch, nid i die eigeti Wäutaaschouig, zu dr eigete Meinig passt.

Leider nid säute wird us dr tatsächleche Gegäbeheit ä verdräihti oder sogar erfundeni Gschicht konstruiert. Nume, dass me nid muess zuegäh, wie hölzig dr Wäg doch isch, wo me druffe trappet.

Warum das nid nume mini Meinig isch? Läset doch eifach wyter...

Politische Arbeite

Gemeinderat Lützelflüh sit 2021
Präsident Finanzkommission
Kommissionsmitglied RKE Regionale Wirtschafts- und Tourismus-Kommission

Mini Wäut - mini Meinig

I regumässige Abständ poste i mini Meinig zu verschiedene Theme i mim WhatsApp-Kanal:

Dr Ueli-mini Wäut, mini Meinig

I fröie mi uf Öie Bsuech.

Visione & Zuekunft

Aune Skeptiker u Verschwörigs-Theoretiker zum Trotz:

Ja, es git ä Zuekunft. Aber mir müesse die reale Problem aagah - für üser nachfolgende Generatione!

“Wie Lassalle sagte, ist und bleibt die revolutionärste Tat, immer das laut zu sagen, was ist! “

Das Zitat vo 1906 u kere gringere Pärsönlechkeit als dr Rosa Luxemburg, isch sit mänggem Jahr mi pärsönlech Grundsatz.

D'Rosa Luxemburg isch am Aafang vom letschte Jahrhundert, eini vo de bedütendschte Pärsönlechkeite gsy vo dr europäische Arbeiterbewegig u ä lideschaftlechi Verfächterin vo emene angäbleche demokratische Sozialismus im 20. Jahrhundert.

Mit ihrer Haltig isch sie ä berüehmti Ikone gsy vo vieune linke politische Kreise u wird nach wie vor i unterschiedlechschte links-radikale Kreise vergötteret.

Umso spannender isch us mire Sicht d'Tatsach, dass sich hüt zu tags vieli linki Gruppierige um ihres Vermächtnis tüe foutiere.

Eifach säge, was isch...mänggisch diplomatisch, mänggisch diräkt u gredi use...aber nid öpis

beschönige
verharmlose
ignoriere
usblände
verlügne

Drum:

Was d'Bevölkerig beschäftiget u sich d'Mönsche hie Sorge mache drum, isch für d'Politik ä klare u unmissverständleche Uftrag! Für gueti u nachhaltigi Lösige...